العبايه ام التوب السودانى

التوب السوداني رمز المراة السودانية اينما حلت ولاغني عنه في الاناقة والشياكة
كما انه يلائم ذوق المراة السودانية وتدينها والتزامها ويضيف لها الحشمة والوقار فضلا
عن اننا نجد فيه رائحة الوطن والمقصود التوب ابو فدقتين وليس الربط .
وظهرت في الفترة الاخيرة العباية المخصرة والمحزقه وخاصة في بنات المغتربين
والطالبات وبعض شرائح المجتمع الاخرى. وقبل كم سنة كانت غيرمعروفة لدينا
وظهرت في بادي الامر مقبولة وتستر المراة وبدات في التخصير شوية شوية حتى
وصلت الي ان تظهر كل جسم المراة وبها بعض الرسومات والزخاريف وعلامات
غير معروف المقصود بها
وهذا النوع حسب ظنى لايباع على هذه الصورة بل يتم تفصيله حسب الطلب
حتى تظهر كل تفاصيل جسمها.
العباية عند اهلها ستر ووقار للمراة وهي انواع منها عباية الراس وعباية الكتف
وهي جلباب فضفاض من الراس الي الارض لا يظهر شئ من جسم المراة .
وهل التوب السوداني افضل للمراة السودانية ام العباية ؟
ومن اين جاءت هذه العباية المخصرة
موضوع للنقاش

مشكور اخى على المرور وانا ايضا من انصار التوب السودانى لانو هو البعكس اصالتنا وبعتبرو تراث اذا كان فعلا التوب القديم حق اماتنا وحبوبانتا بس العبايه اذا كانت سااااتره مافيها كلام واتمنى انو الاباء والامهات يكونو على درايه كامله انو البت لمن تطلع من البيت وهى لابسه شى شاذ الناس بتقول (دى ماعندها اهل )وللاسف الشتيمه بترجع ليهم عشان كدا لازم يكونو حريصين كل الحرص على بناتم وربنا يحفظ الجميع يارب