ديون x ديون

السلام عليكم وسعيده انى اتواصل معاكم على المنتدى
صراحه عندى موضوع شغلنى جدا جدا بالنسبه ليكم ما ح يكون غريب لانكم معاصرين ريفى ودحامد اكتر منى
لمن المزارع يمشى عشان ياخد قرض من البنك الزراعى بو دحامد فى مأأأأأسى بتحصل اولا التلتله ودا شى اتعودنا على بس البنك يصر انو القرض يكون ملح وجاز او بزور برضو عادى الماعادى انو البنك بديك كل القروش الانتا تطلبا ملح وجاز او شتول والمعروف انو الزراعه محتاجه كتير منك ولازم مصاريف فى يدك يعنى مابقت على الجاز والملح والبزور فقط والاغرب انك بعد ما تستلم تطلع برا البنك بتلقى اتنين قاعدين عشان يشترو منك الملح والجاز سعر الملح فى البنك بى 120 جنيه البشترى منك برا بى 70 جنيه وهكدذا يعنى المزارع لو ما محتاج فعلا ما عرض نفسو لى قرض من بنك وبيع بى اسعار معاهو بالخساره فى النهايه المزارع هو الخسران وبقت على ديون كتيره جدا
السؤال المحيرنى البنك مع كل المزارعين بعمل كدا ولا برضو فيها وساطات وخيار وفقوس ؟
والسمسارين البرا البنك بودو الملح والجاز وين وهم ياربى عندهم اتفاق مع ناس البنك ولا كيف ؟
اتمنى انى القى توضيح لى المعلومه العندى .